बुलढाणा परिसरात जयश्रीताई शेळके यांचे शैक्षणिक क्षेत्रातील कार्य खरोखर प्रेरणादायी आहे. शिक्षण ही समाजाच्या प्रगतीची किल्ली आहे, हे ओळखून या क्षेत्रात नवा आदर्श घडविण्यासाठी त्या अविरत मेहनत घेत आहेत. शालेय शिक्षणाचा दर्जा उंचावण्यासाठी योगदान देत आहेत. शाळा-महाविद्यालयांना नियमित भेटी देऊन तिथल्या विद्यार्थ्यांशी संवाद साधतात. विद्यार्थ्यांच्या मानसिक, बौद्धिक आणि शारीरिक विकासाला चालना देणारे शिक्षण असायला हवे, शिक्षणात नवनवे प्रयोग आणि सुधारणा घडवून आणण्यासाठी त्या प्रयत्नशील आहेत. बुलढाणा जिल्ह्यात विद्यार्थ्यांना गुणवत्तापूर्ण आणि तंत्रज्ञानावर आधारित शिक्षण मिळावे, हाच त्यांचा आग्रह असतो. शिक्षित समंजस प्रगत समाज निर्मितीसाठी, नव्या पिढीच्या उज्ज्वल भविष्यासाठी त्या कार्य करीत आहेत. अनेक गरजू आणि होतकरू विद्यार्थ्यांना त्यांनी शिक्षणासाठी मदत केली आहे. समाजातील हुशार होतकरू विद्यार्थ्यांना शिक्षण आणि करिअरच्या संधी उपलब्ध करून दिल्या आहेत. आजवर त्यांनी बुलढाण्यातील शाळा, महाविद्यालये, शिक्षक आणि विद्यार्थ्यांचे प्रश्न अत्यंत धडाडीने मांडले आहेत.